domingo, 12 de diciembre de 2010

Deixo lonxe (Rima XIV)

Deixo lonxe canto quería.
A miña man xa non está quente,
a miña man agora está fría.

Deixo lonxe a miña rúa,
o barrio onde nacín
parte do que eu son!
Deixo lonxe canto quería,
miña terriña,
meu sol.

Deixo lonxe,
nalgunha fonte,
parte dos meus agarimos.
Deixo lonxe o que foi,
mañá, onte, antonte.
Deixo lonxe,
en ningures, a miña sorte,
aquilo que me fixera forte.

Deixo lonxe canto quería.
Deixo lonxe canto amaba.
Xa non sei o que sentía!
Xa non recordo nada do que recordaba!